GWEITHGAREDDAU
AR LEOLIAD
Gweithgareddau ar leoliad
Mae modd i ysgolion gael cymorth gan Gyngor Celfyddydau Cymru i dalu am drafnidiaeth i fynd i weld gweithgaredd celfyddydol drwy Cronfa Ewch i Weld. Mae rhagor o fanylion yma.
Mari Jones - Yn Ol Fy Nhroed
gan Siân Melangell Dafydd
Pam fydde unrhyw un am gerdded 26 milltir heb esgidiau?
Dyma gyfle i gwrdd â merch 16 oed, dewr a phenderfynol - Mari Jones. Merch ysgol, tlawd, oedd hi, â’i bryd ar rywbeth pwysig – un o’r llyfrau cyntaf oedd ar gael i bobl fel chi a fi yn y Gymraeg – Y Beibl. Weithiau mae merch fach yn medru gwneud pethau mawr.
​
Cewch ddysgu mwy am y Gymraes o droed Cader Idris, sydd wedi gadael ôl ei throed ledled y byd drwy gerdded o Lanfihangel-y-Pennant i’r Bala.
​
Sioe ar gyfer ysgolion cynradd - addas i flynyddoedd 2 - 6.
​
Canolfan Pererin Mary Jones - Medi 30 - Hydref 4
​
Iolo Goch - 'O gogoniant!'
gan Anni LlÅ·n
Be ’di be efo’r beirdd o’r oes o’r blaen?!
​
Dewch i ddarganfod be ’di be drwy lygaid y bardd canol oesol Iolo Goch a fu’n canu clodydd i Owain Glyndŵr ei hun. Bydd cyfle i brofi barddoni boncyrs, blasu bywyd bywiog bardd y cyfnod, a dod i wybod be’n union yw cyflythrennu a ‘clera’. Y bardd oedd cyfryngau cymdeithasol yr oesoedd canol ac felly tybed a wnaeth Iolo Goch wahaniaeth wrth rannu statws Owain Glyndŵr yn y blynyddoedd cyn y gwrthryfel?
​
Dewch i ddysgu be’n union oedd gogoniant Iolo Goch a chlywed y dyn ei hun yn datgan “o gogoniant” pan fydd yr awen yn taro!
​
Castell Caernarfon - Medi 9
Yr Ysgwrn, Trawsfynydd - Medi 11 - 13
Castell Rhaglan - Medi 18
Castell Cydweli- Medi 19
Dydd Llun 9fed Medi - Dydd Gwener 25ain Hydref