Sut brofiad oedd gorfod golchi a sychu dillad cyn i ni gael peiriannau golchi a thrydan? Dewch i gwrdd â Marged i ddarganfod sut oedd hi’n golchi dillad ers talwm. Byddwch yn ei gwylio’n defnyddio’r twb golchi, y bwrdd sgwrio a’r mangl, yna’n cael cyfle i drin a thrafod efo’n hwylusydd, yn ogystal â gweld rhai o’r gwrthrychau’n agos. Tybed beth wnewch chi ddarganfod sydd wedi newid a beth sydd wedi aros yr un peth?

​

Addas ar gyfer oedran 5-8

Sut oedd pobl yn byw ers talwm? Sut wnaeth pethau newid dros amser? Dewch i ddysgu mwy drwy edrych yn agosach ar sganiau 360 o dai teras Fron Haul, sy’n dangos bywyd yn 1861, 1901 a 1969, ac edrych ar wrthrychau o’r cyfnod dan arweiniad ein hwylusydd. Cyfle cyffrous i ddod a’r gorffennol yn fyw!

​

Addas ar gyfer oedran 5-8

Pa deganau oedd plant yn chwarae gyda yn y gorffennol? Sut mae’r teganau traddodiadol yn wahanol i teganau modern? Ymunwch â’n hwylusydd i ddarganfod teganau o’r gorffennol a gweld sut maen nhw’n cymharu â theganau heddiw. Sut mae’r deunyddiau a ddefnyddir i wneud teganau wedi newid dros amser? Cewch eich ysbrydoli i wneud teganau eich hun i chwarae â nhw yn yr ystafell ddosbarth.

​

Addas ar gyfer oedran 5-8

Ymunwch â ni mewn sesiwn ryngweithiol yn cyflwyno rhai o’r gweithiau celf yn Amgueddfa Genedlaethol Caerdydd. Byddwn yn edrych ar baentiadau, cerameg, ffotograffau a cherfluniau. Mae hwn yn gyfle i ddatblygu sgiliau cyfathrebu ac archwilio lliw, siâp a maint drwy gyfrwng celf. Gallwch gymryd rhan mewn gweithgareddau yn cynnwys creu eich gwaith celf siâp a lliw eich hun.

Addas i oed 5-8

Oedd pob deinosor yn rhuo? Ymunwch ag un o'n hwyluswyr ar-lein i edrych ar ffosilau amgueddfa go iawn. Bydd cyfle i chi ofyn cwestiynau chwilfrydig a dysgu mwy am ddeinosoriaid, gan gynnwys beth fydden nhw'n ei fwyta, sut fydden nhw'n byw, eu hamgylchfyd a'u cynefinoedd. I gloi, gallwch chi gymryd rhan mewn stori fywiog, swnllyd, am fforest yn oes y deinosoriaid.  

Addas i oed 5-8

Sut brofiad oedd byw yng Nghymru 2000 o flynyddoedd yn ôl? Ymunwch â'n Celt preswyl am daith rhithwir o amgylch Bryn Eryr, ein tai crwn o'r Oes Haearn. Darganfyddwch pam roedd y tân mor bwysig, pa fwyd oedd yn cael ei fwyta, a sut roedd dillad yn cael eu gwneud. Ond sut ydyn ni'n gwybod cymaint am fywyd yn y gorffennol? Gweithiwch gyda'n hwylusydd i ddarganfod sut i ddatgloi cyfrinachau'r gorffennol a chydweithio i ddatrys dirgelion bedd o'r Oes Haearn.

​

Addas ar gyfer oedran 8-11

Cymerwch ran mewn cyfres o heriau i ddarganfod mwy am fywyd Milwr Rhufeinig. Dysgwch am y Rhufeiniaid a arferai fyw yng Nghaerllion a darganfod pa sgiliau oedd y Rhufeiniaid yn edrych amdanynt mewn milwr. Byddwch yn dysgu am arfwisg Rufeinig ac yn cael eich profi ar eich sgiliau gorymdeithio. Gallwch hefyd ofyn cwestiynau am fywyd milwr Rhufeinig a rhai o'r gwrthrychau diddorol a adawsant ar eu hôl.

​

Addas ar gyfer oedran 8-11

Mae Rhufeiniaid cyfoethog yn enwog am eu partion! Darganfyddwch y bwyd rhyfedd a bendigedig roedden nhw'n ei fwyta, fel ymennydd y paun a llygod wedi'u stwffio. Dysgwch am fywydau'r caethweision oedd yn cefnogi y bywyd godidog yma. Bydd cyfle i astudio’r casgliadau sydd ynghlwm â’r pwnc yn Amgueddfa Lleng Rufeinig Cymru.​

​

Addas ar gyfer oedran 8-11

Sesiwn chwarae rôl sy’n rhoi cyfle i chi ddysgu sut oedd y Rhufeiniaid yn addysgu eu plant. Trwy gyfrwng iaith, rhifedd a llythrennedd, bydd disgyblion yn cael cyfle i ddysgu am y gymdeithas Rufeinig dan lygaid barcud athro Rhufeinig

​

Addas ar gyfer oedran 8-11

Mae'r gweithdy hwn yn cyflwyno dysgwyr i'r orielau celf gyda ffocws ar gelf ac artistiaid Tirlun Cymru. Bydd dysgwyr yn ystyried sut mae tirwedd Cymru wedi ysbrydoli artistiaid. Byddwch yn dadansoddi tirluniau Cymreig, yn cwestiynu tystiolaeth ac yn datblygu geirfa i ddisgrifio ac ymateb i waith celf. Bydd disgyblion hefyd yn cael cyfle i feddwl am dechneg celf, arddull, cyfansoddiad a'r defnydd o olau a lliw.​

​

Addas ar gyfer oedran 8-11

Sut aeth y symudiad celf Argraffiadol ati i dorri tir newydd? Yn y gweithdy rhyngweithiol yma, dysgwch sut y gwnaeth artistiaid fel Monet, Renoir a Pissarro chwalu traddodiad i ddal ennydau byrhoedlog, lliwiau disglair a bywyd pob-dydd. Drwy edrych yn ofalus ar weithiau eiconig, byddwch yn darganfod y technegau, straeon a newidiadau diwylliannol a siapiodd y symudiad chwyldroadol hwn. Byddwch hefyd yn dysgu sut daeth y casgliad i Amgueddfa Genedlaethol Caerdydd a’r merched Cymreig eiconig a ddaeth ac ef yma.

​

Addas ar gyfer oedran 8-11

Gan weithio gydag un o’n hwyluswyr, byddwch yn defnyddio ffosilau ac esgyrn go iawn i feddwl fel paleontolegwyr a datrys cyfres o bosau deinosoraidd. Gyda’ch sgiliau adnabod newydd, gallwch astudio deinosor Cymreig – y Dracoraptor! Byddwch yn defnyddio tystiolaeth wyddonol i ddarganfod sut y canfyddwyd y deinosor hwn, sut oedd yn byw, beth oedd yn fwyta, a sut oedd yn edrych.

Addas ar gyfer oedran 8-11

Join us in Bethesda in 1901 to learn more about the Penrhyn Quarry Strike, the longest strike in British history. In the pre-session video you will meet Leusa, and learn about the experience of living in the village during the strike by hearing the story of Pwtan the lost cat. Then, our facilitator will lead you on a virtual tour of the 1901 house using 360scan technology, with opportunities to ask questions. You will also have the opportunity to see objects and historical documents to learn more about why the strike happened and how this affected the community.

​

Addas ar gyfer oedran  8-11

O’r ffyrdd rydym ni’n gweithio i sut rydym ni’n byw, i’r swyddi, y tirwedd, yr amgylchedd, a chymaint mwy, ganwyd Cymru o’r newydd yn ystod y Chwyldro Diwydiannol. Daw’r sesiwn rhithiol unigryw yma a straeon glo, llechi, gwlân a phorthladdoedd Cymru ynghyd er mwyn esbonio sut y daeth Cymru i fod y genedl ddiwydiannol gyntaf.

​

Addas ar gyfer oedran 8-16

​Ymunwch a ni wrth i ni ddarganfod Y Tuduriaid trwy gasgliadau Amgueddfa Cymru. Dewch I ddysgu am fywyd bod dydd a darganfod mwy am longddrylliad Tuduraidd, yr Ann Francis.

​

Addas ar gyfer oedran 5-11